Featured News
District
-
ସ୍ନାତକ ପରୀକ୍ଷାରେ ଇମ୍ପରିୟଲ କଲେଜ ଛାତ୍ରଛାତ୍ରୀଙ୍କ ସଫଳତା
ବରଗଡ଼ : ନିକଟରେ ପ୍ରକାଶିତ ସମ୍ବଲପୁର ବିଶ୍ୱବିଦ୍ୟାଳୟର ସ୍ନାତକ ପରୀକ୍ଷାରେ ଇମ୍ପରିୟଲ କଲେଜ କଳା ବିଭାଗର ଛାତ୍ରଛାତ୍ରୀମାନେ ଉଲ୍ଳେ୍ଖନୀୟ ସଫଳତା ହାସଲ କରିଛନ୍ତି । ଏହି କଲେଜରେ ଥିବା ଶିକ୍ଷା ବିଭାଗ ସମ୍ମାନରେ ସ୍ୱାତୀପ୍ରିୟା ମେହେର ୮.୧୪ ସିଜିପିଏ ସହ ଉନ୍ନିତ ହୋଇଥିବା ବେଳେ ଅନ୍ୟ ଜଣେ ଛାତ୍ରୀ ପୁନମ ଦୋରା ମଧ୍ୟ ୮.୦୯ ସିଜିପିଏ ସହ ସଫଳତା ହାସଲ କରିଛନ୍ତି । ସେହିପରି ରାଜନୀତି ବିଜ୍ଞାନ ସ୍ନାତକ ରେ ମୀନାକ୍ଷୀ ଭୋଇ ୮.୪୬ ସିଜିପିଏ ସହ ଉନ୍ନିତ ହୋଇଥିବା ବେଳେ ସୃଷ୍ଟି ଅଗ୍ରୱାଲ ୮.୦୮ ସିଜିପିଏରେ ଉନ୍ନିତ ହୋଇଛନ୍ତି । କଲେଜର ଅଧିକାଂଶ ଛାତ୍ରଛାତ୍ରୀ ୭.୫୦ ସିଜିପିଏରୁ ଅଧିକ ମାର୍କ ରଖିଥିବା ଜଣାପଡିଛି । ଏଠାରେ ଉଲ୍ଲେଖଯୋଗ୍ୟ ଯେ କଳା ପରୀକ୍ଷାରେ ସଫଳତା ଅର୍ଜନ କରିଥିବା ଏହି ଛାତ୍ରୀମାନେ ତାଙ୍କର ଯୁକ୍ତ ଦୁଇ ମାର୍କଠାରୁ ବହୁ ଅଧିକ ମାର୍କ ସହ ସ୍ନାତକ ପରୀକ୍ଷାରେ ଉନ୍ନିତ ହୋଇଥିବାରୁ ଏହା ଏହି କଲେଜର ସଫଳତା ବୋଲି ଚେୟାରମେନ ଦିପକ ଗୋୟଲ ଓ ଅଧ୍ୟକ୍ଷ ଦୁର୍ଗେଶ ଶତପଥୀ ଜଣାଇଛନ୍ତି । କଲେଜରେ ବର୍ତମାନ ଯୁକ୍ତ ୩ କଳା ବିଭାଗରେ ସାମ୍ସ ତରଫରୁ ନାମ ଲେଖା କାର୍ଯ୍ୟ ଜାରି ରହିଛି ।
Business
-
ପ୍ରକାଶ ଷ୍ଟୋରର ଅତ୍ୟାଧୁନିକ ସୋ ରୁମ ଉଦଘାଟିତ
ବରଗଡ଼ : ବରଗଡ଼ର ଅନ୍ୟତମ ସର୍ବପୁରାତନ ଲୁଗା ବ୍ୟବସାୟ ଦୋକାନ ପ୍ରକାଶ ଷ୍ଟୋରର ଅତ୍ୟାଧୁନିକ ସୋରୁମ ଭଟଲି ଛକ ନିକଟରେ ଉଦଘାଟିତ ହୋଇଯାଇଛି । ସ୍ୱାଧୀନତା ପୂର୍ବରୁ ୧୯୪୫ ରୁ ଆରମ୍ଭ ହୋଇଥିବା ବରଗଡ଼ ପୁରୁଣା ମୁଖ୍ୟ ରାସ୍ତାରେ ଥିବା ପ୍ରକାଶ ଷ୍ଟୋର ବର୍ତମାନ ଅତ୍ୟାଧୁନିକ ମେଗା ମଲରେ ପରିଣତ ହୋଇଛି । ଚାରି ମହଳା ବିଶିଷ୍ଟ ଏହି ନୂତନ ସୋ ରୁମରେ ପ୍ରତ୍ୟେକ ମହଲାରେ ଅଲଗା ଅଲଗା ବିଭାଗର କପଡା ବିକ୍ରୀ ପାଇଁ ବ୍ୟବସ୍ଥା ରହିଛି । ଏହି ନୂତନ ସୋରୁମର ଉଦଘାଟନ କାର୍ଯ୍ୟକ୍ରମକୁ ଅଶୋକ ମିତ୍ତଲ ଓ ଅଞ୍ଜୁ ମିତ୍ତଲ ପରିଚାଳନା କରିଥିବା ବେଳେ ପରିବାରର ଅନ୍ୟ ସଦସ୍ୟ ପ୍ରକାଶ ମିତ୍ତଲ ,ସଂଜୟ ମିତ୍ତଲ ମଧ୍ୟ ଉପସ୍ଥିତ ଥିଲେ । ଅନ୍ୟମାନଙ୍କ ମଧ୍ୟରେ ବରିଷ୍ଠ ବ୍ୟବସାୟୀ ଶ୍ୟାମ ସୁନ୍ଦର ଅଗ୍ରୱାଲ, ଲଳିତ ଅଗ୍ରୱାଲ ସମେତ ସହରର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ । ଉଦଘାଟନୀ ଅବସରରେ ଏହି ସୋରୁମରେ ସମସ୍ତ ନୂତନ ଡିଜାଇନର ଲୁଗା ଓ ରେଡିମେଡ ବସ୍ତ୍ର ସୁଳଭ ମୂଲ୍ୟରେ ମିଳିପାରିବ ବୋଲି ଅଶୋକ ମିତ୍ତଲ ଜଣାଇଛନ୍ତି ।
