Featured News
Health
-
ଡକ୍ଟର ଖୁଣ୍ଟିଆ ଡେଣ୍ଟାଲ କ୍ଳିନିକ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦ୍ୱାରା ଉଦଘାଟିତ
ବରଗଡ଼ : ସ୍ଥାନୀୟ ମୁଖ୍ୟରାସ୍ତାରେ ଏକ ଆନ୍ତର୍ଜାତୀୟମାନର ଅତ୍ୟାଧୁନିକ ଡେଣ୍ଟାଲ କ୍ଳିନିକ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦ୍ୱାରା ଉଦଘାଟିତ ହୋଇଯାଇଛି । ସୋମବାର ସକାଳ ୧୧ ଟା ସମୟରେ ଏହି ଅବସରରେ ଆଯୋଜିତ ଉଦଘାଟନୀ ସଭାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟଅତିଥି ଭାବେ ଯୋଗଦଦେଇ ଫିତାକାଟି ଏହାକୁ ଉଦଘାଟନ କରିଥିଲେ । ବରଗଡ଼ ଜିଲ୍ଳା ବାସିନ୍ଦା ତଥା ଦୀର୍ଘ ବର୍ଷ ଧରି ଦୁବାଇରେ ଦନ୍ତ ଚିକିତ୍ସକ ଭାବେ କାର୍ଯ୍ୟ କରିଥିବା ଡା.ଚନ୍ଦ୍ରଶେଖର ଖୁଣ୍ଟିଆଙ୍କ ଦ୍ୱାରା ଏହି ଡେଣ୍ଟାଲ ଓ କଷ୍ଟମେଟିକ ସର୍ଜିରୀ କ୍ଳିନିକ ଆରମ୍ଭ କରାଯାଇଛି । ଏହି କ୍ଳିନିକରେ ପ୍ରଥମ ଥର ପାଇଁ ବହୁ ଆନ୍ତର୍ଜାତୀୟମାନ ଓ ସ୍ତରର ଦନ୍ତ ଚିକିତ୍ସା ଉପକରଣର ସୁବିଧା ରହିଛି । ଉଦଘାଟନୀ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବରଗଡ଼ ସାଂସଦ ସୁରେଶ ପୂଜାରୀ , ଜିଲ୍ଳା ବିଜେପି ସଭାପତି ଅଶ୍ୱିନୀ ଷଡଙ୍ଗୀ, ବିକାଶ ଗୃପର ଚେୟାରମନେ ଡି ମୁରଲି କ୍ରିଷ୍ଣାଙ୍କ ସମେତ ସହରର ବହୁ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ । ଉଦଘାଟିତ ହେବା ପରେ ଏହି କ୍ଳିନିକରେ ଦନ୍ତଚିକିତ୍ସାର ସମସ୍ତ ସୁବିଧା ଉପଲବ୍ଧ ହେବ ବୋଲି ଡ.ଖୁଣ୍ଟିଆ ଜଣାଇଛନ୍ତି ।
Economy
-
ହଲଦିପାଲିରେ ଶ୍ରୀ ଶ୍ରୀ ଜଗନ୍ନାଥ ମହାପ୍ରଭୁଙ୍କ ମନ୍ଦିର ପ୍ରତିଷ୍ଠା ଉତ୍ସବ ଆରମ୍ଭ
ସୋହେଲା : ସୋହେଲା ହଲଦିପାଲି ଠାରେ ଶ୍ରୀ ଶ୍ରୀ ଜଗନ୍ନାଥ ମହାପ୍ରଭୁଙ୍କ ମନ୍ଦିର ପ୍ରତିଷ୍ଠା ଉତ୍ସବ ଆରମ୍ଭ ହୋଇଛି । ପାଞ୍ଚ ଦିନ ଧରି ହେବାକୁ ଥିବା ଏହି ମନ୍ଦିର ପ୍ରତିଷ୍ଠା ଉତ୍ସବ ପାଇଁ ସୋମବାର ଭବ୍ୟ କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ପରେ ଶ୍ରୀ କ୍ଷେତ୍ର ମହୋଦଧିରୁ ଅଣାଯାଇଥିବା ପବିତ୍ର ଜଳ ଏବଂ ଅଖଣ୍ଡ ଜ୍ୟୋତି ପୂଜାମଣ୍ଡପରେ ସ୍ଥାପିତ କରାଯାଇଥିଲା ।
ଆଗାମୀ ୧୩ ତାରିଖ ପର୍ଯ୍ୟନ୍ତ ଏହି ପ୍ରତିଷ୍ଠା ଉତ୍ସବ ବିଧିବିଧାନ ସହକାରେ ପାଳିତ ହେବ । ଏ ଅବସରରେ ପ୍ରତ୍ୟହ ପାରାୟରଣ, ବ୍ୟଙ୍ଗ କବି ଆସର, ନାଟକ, ଦଣ୍ଡନୃତ୍ୟ ଆଦି ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ନେଇ ମନ୍ଦିର ପ୍ରତିଷ୍ଠା କମିଟୀ ତରଫରୁ ସୂଚନା ଦିଆଯାଇଛି ।
