ଶାସ୍ତ୍ରୀ ଜୟନ୍ତୀରେ ବିଜୟଘାଟ ସମାରୋହରେ ସାମିଲ ହେଲେ ଇମ୍ପରିୟଲ କଲେଜର ଛାତ୍ରଛାତ୍ରୀ

ବରଗଡ: ସ୍ଥାନୀୟ ବିଦ୍ୟାବିହାର ସ୍ଥିତ ଇମ୍ପରିୟଲ କଲେଜର ଅଧ୍ୟାପିକା ଓ ଛାତ୍ରଛାତ୍ରୀମାନେ ଦିଲ୍ଲୀ ବିଜୟ ଘାଟରେ ଆୟୋଜିତ ଶାସ୍ତ୍ରୀ ଜୟନ୍ତୀ ସମାରୋହରେ ଉପସ୍ଥିତ ହୋଇଥିଲେ । ଏହି ଅବସରରେ ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଉପସ୍ଥିତ ଥିଲେ । ଇମ୍ପରିୟଲ କଲେଜର ଅଧ୍ୟାପିକା ଗାୟତ୍ରୀ ଭୋଇ ଓ ଛାତ୍ରଛାତ୍ରୀମାନେ ସଞ୍ଚିତା ତ୍ରିପାଠୀ, ଦେବପ୍ରିୟ ମେହେର, ଦିପସିକା ପାଢ଼ୀ, ନିଧି ଅଗ୍ରୱାଲ ଏବଂ ଶୋଭିତ ଦାସ ଏହି ଅବିସ୍ମରଣୀୟ ଅବସରରେ ଭାଗ ନେଇ ନିଜର ସୌଭାଗ୍ୟ ଅନୁଭବ କରିଥିଲେ । ଅଧ୍ୟାପକ ଓ ଛାତ୍ରଛାତ୍ରୀମାନେ ଏହା ସହିତ ୨୫ ତମ ଲାଲ ବାହାଦୂର ଶାସ୍ତ୍ରୀ ଜାତୀୟ ପୁରସ୍କାର – ୨୦୨୪ର ଫେଲିସିଟେସନ ମଧ୍ୟ ଦେଖିବାର ସୁଯୋଗ ପାଇଥିଲେ । ଏହି ପୁରସ୍କାରଟି ଉପରାଷ୍ଟ୍ରପତି ଜଗଦୀପ ଧନଖରଙ୍କ ଦ୍ୱାରା ଶ୍ରୀମତୀ ରାଜଶ୍ରୀ ବିର୍ଲା, ଚେୟାରମ୍ୟାନ୍‌, ଆଦିତ୍ୟ ବିର୍ଲା ସେଣ୍ଟର ଫର କମ୍ୟୁନିଟି ଇନିସିଏଟିଭ୍ ଏବଂ ଗ୍ରାମୀଣ ବିକାଶଙ୍କୁ ଦିଆଯାଇଥିଲା । ଏହି ଅବସରଟି ବିଶେଷ ହୋଇଥିଲା କାରଣ ଇମ୍ପରିୟଲ କଲେଜର ଛାତ୍ରଛାତ୍ରୀମାନେ ଅନୀଲ ଶାସ୍ତ୍ରୀଙ୍କ ଆମନ୍ତ୍ରଣ ଅନୁସାରେ ଉପସ୍ଥିତ ହୋଇଥିଲେ । ଶ୍ରୀ ଶାସ୍ତ୍ରୀ, ୧୯ ମାର୍ଚ୍ଚ ୨୦୨୪ ତାରିଖରେ ଇମ୍ପରିୟଲରେ ଅତିଥି ଭାବେ ଯୋଗ ଦେଇଥିଲେ । ସେ ଏହି କଲେଜର ଅଧ୍ୟାପକ ଓ ଛାତ୍ରଛାତ୍ରୀମାନେଙ୍କୁ ଶାସ୍ତ୍ରୀ ଜୟନ୍ତୀ ଅବସରରେ ୨ ଅକ୍ଟୋବର ୨୦୨୪ ତାରିଖରେ ଦିଲ୍ଲୀ ସ୍ଥିତ ଲାଲ ବାହାଦୂର ଶାସ୍ତ୍ରୀ ସଂସ୍ଥାନରେ ଆମନ୍ତ୍ରିତ କରିଥିଲେ । ଏହି ଅବସର ଉପରେ ଅଧ୍ୟାପିକା ଓ ଛାତ୍ରଛାତ୍ରୀମାନେ ନିଜ ଅନୁଭୂତିକୁ ବ୍ୟକ୍ତ କରି କହିଥିଲେ ଯେ, ଏହି ଅଭିଜ୍ଞତା ତାଙ୍କର ପାଠପୁସ୍ତକ ପାଇଁ ନୂତନ ପ୍ରେରଣା ଓ ଜୀବନରେ ନୂତନ ଦିଗ ଦେଇଥିଲା ।

ବିକାଶ ହାୟର ଏଜୁକେସ୍ନାଲ ଇନଷ୍ଟିଚ୍ୟୁସନ୍ସରେ ‘ବିଶ୍ୱ ଅନ୍ତରୀକ୍ଷ ଦିବସ’

କେନସର ପୀଡିତ ଶିଶୁ ମିଲିଣ୍ଡା ରୋଜ ଉଦ୍ଦେଶ୍ୟରେ ବିଶ୍ୱ ରୋଜ ଦିବସ ପାଳନ

ବଡୋଦରାରେ  ନୂଆଁଖାଇ ଭେଟଘାଟ