ବିଜେପୁର : ବିଜେପୁର ବ୍ଲକ ଅନ୍ତର୍ଗତ ବରମୁଣ୍ଡା ଗ୍ରାମରେ ନୂଆଖାଇ ଭେଟଘାଟ କାର୍ଯ୍ୟକ୍ରମ ଦୁଇ ଦିନ ଧରି ଆୟୋଜିତ ହୋଇଯାଇଛି । ଛାତ୍ରଛାତ୍ରୀଙ୍କୁ ନେଇ ନୃତ୍ୟ ପ୍ରତିଯୋଗିତା ସହ “ଢ଼ଳିଆଖୁସା” ବରଗଡ଼ର କଳାକାରଙ୍କ ଦ୍ୱାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା । ସେହିପରି ବିନ୍ଦୁ ପ୍ରେମା କମେଡି ତଥା ସମ୍ବଲପୁରୀ ନାଟକ “ସମିଆର ଖେଳ”କୁ ଦର୍ଶକ ମନଭରି ଉପଭୋଗ କରିଥିଲେ । ଅବସର ପ୍ରାପ୍ତ ଶିକ୍ଷକ ମଧୁସୂଦନ ସାହୁଙ୍କୁ “ଚତୁର୍ଥ ବରମୁଣ୍ଡା ସମ୍ମାନ”ରେ ସମ୍ମାନିତ କରାଯାଇଥିଲା । ଏ ଅବସରରେ ବିଭିନ୍ନ ଦିନରେ ଡ଼ଃ ମନୋଜ କୁମାର ସାହୁ, ଡ଼ଃ ପୁଷ୍ପରଞ୍ଜନ ମିଶ୍ର , ହିମାଂଶୁ ଶେଖର ସାହୁ, ଛତ୍ରପତି ବେହେରା, ରୋହିତାସ୍ୱ ମାଝୀ , ବ୍ୟାସଦେବ ମାଝୀ, ଯୋଗଦାନ କରିଥିଲେ , ବ୍ଲକ ଅଧ୍ୟକ୍ଷ ମୋତିରାମ ସାହୁ ,ଧୃବଚରଣ ଭୋଇ, ହାରାଧନ ସାହୁ, ଅଧିକାରୀ ପଧାନ , ନାଥୁରାମ ବାରିକ ପ୍ରମୁଖ ଅତିଥି ଭାବେ ଭାବେ ଯୋଗଦାନ କରିଥିଲେ । ଡ଼ଃ ବୃନ୍ଦାବନ ନାଏକ, ଶିକ୍ଷକ ଶେଷଦେବ ପଧାନ, ଭରତ ପଧାନ . ସୋମଦତ୍ତ ନାଏକ , ଚନ୍ଦ୍ରଗୁପ୍ତ ନାଏକ ଙ୍କ ସମେତ ଗ୍ରାମବାସୀ କାର୍ଯ୍ୟକ୍ରମ ପରିଚାଳନା କରିଥିଲେ । ଆଶିଷ ପଧାନ, କ୍ଷେମେଶ୍ୱର ବେହେରା ଓ ରାହୁଲ ସାହୁ ଧନ୍ୟବାଦ ଅର୍ପଣ କରିଥିଲେ ।
