ଡୁଙ୍ଗୁରୀପାଲି : ସୋନପୁର ଜିଲ୍ଳା ଡୁଙ୍ଗୁରିପାଲି ବ୍ଲକ ପହଣ୍ଡି କାଶୀନାଥ ଉଚ୍ଚ ମାଧ୍ୟମିକ ବିଦ୍ୟାଳୟରେ ସମ୍ବିଧାନ ଦିବସ ପାଳିତ ହୋଇଯାଇଛି । ସୁନାପାଲି ହାଇସ୍କୁଲ ବିଜ୍ଞାନ ଶିକ୍ଷୟିତ୍ରୀ ମଞ୍ଜୁଲତା ମିଶ୍ର ମୁଖ୍ୟଅତିଥି ଓ ହିନ୍ଦୀ ଶିକ୍ଷୟିତ୍ରୀ କ୍ରିଷ୍ଣାମୟୀ ସେଠ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଅତିଥି ମାନଙ୍କର ଦ୍ୱାରା ଡ଼. ଭୀମରାଓ ଆମ୍ବେଦକରଙ୍କ ଫୋଟୋ ଚିତ୍ରରେ ପୁଷ୍ପମାଲା ଅର୍ପଣ କରାଯାଇଥିଲା । ଅଧ୍ୟାପିକା ପିଙ୍କି ଭୋଇ ସଭାର ଉଦ୍ଦେଶ୍ୟ ଜ୍ଞାପନ ସହ ପରିଚୟ ପ୍ରଦାନ କରିଥିଲେ । କଲେଜର ଅଧ୍ୟାପକ ରାକେଶ ସାହୁଙ୍କ ସଭାପତିତ୍ୱରେ ସଭା ଅନୁଷ୍ଠିତ ହୋଇଥିଲା । ଏହି କାର୍ଯକ୍ରମରେ ଡୁଙ୍ଗୁରିପାଲି ମହାବିଦ୍ୟାଳୟର ଅଧ୍ୟାପକ ଡ଼. ସରୋଜ କୁମାର ଦାସଙ୍କ ସ୍ୱଲିଖିତ \”ଆସ ଜାଣିବା ସମ୍ବିଧାନ\” ପୁସ୍ତକ ଛାତ୍ରଛତ୍ରୀମାନଙ୍କୁ ପ୍ରଦାନ କରାଯାଇଥିଲା । ଅଧ୍ୟକ୍ଷା କୁମାରୀ ସାଇସ୍ମିତା ବରାଇ, ଅଧ୍ୟାପିକା ଚନ୍ଦ୍ରମା ବିଶ୍ୱାଳ, ଗାୟତ୍ରୀ ମହାକୁର, ଅଧ୍ୟାପକ ଦିପ୍ତେଶ ପାଣିଗ୍ରାହୀ, କ୍ଷୀରୋଦ୍ର ବାଗ, ବର୍ଷାରଣୀ ଡାଙ୍ଗ ଓ ସୁବ୍ରତ ପୁଟେଲ, ପୁଷ୍ପାଞ୍ଜଳି ବାରିକ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଅଧ୍ୟାପିକା ଡିଲେଶ୍ୱରି ସେଠ ଧନ୍ୟବାଦ ଅର୍ପଣ କରିଥିଲେ ।
