ବରଗଡ଼ : ବରଗଡ଼ ଲାୟନ୍ସ କ୍ଳବ ତରଫରୁ ଇ-ୱେଷ୍ଟ ନେଇ ଏକ ସଚେତନତା ରାଲି ଆୟୋଜିତ ହୋଇଯାଇଛି । କ୍ଳବର ଅଧ୍ୟକ୍ଷ ସୁବାଷ ଅଗ୍ରୱାଲଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ବିଧାୟକ ଅଶ୍ୱିନୀ ଷଡଙ୍ଗୀ ଏବଂ ପୂର୍ବତନ ପୌରାଧ୍ୟକ୍ଷ ପ୍ରଶାନ୍ତ ବେହେରା ଉଦଘାଟନ କରିଥିଲେ । ଆଗାମୀ ଗୋଟିଏ ମାସ ପର୍ଯ୍ୟନ୍ତ ଇ-ୱେଷ୍ଟ ସଂଗ୍ରହ କରାଯିବା ନେଇ ଜିଲ୍ଳା ଇ-ୱେଷ୍ଟ କୋଡିନେଟର ପ୍ରଦୀପ ତାୟଲ ସୂଚନା ଦେଇଛନ୍ତି । ଏହି ସଚେତନତା ର୍ୟାଲିରେ ଲାୟନ୍ସ କ୍ଳବ , ଲିଓ କ୍ଳବ ସମେତ ବିଭିନ୍ନ ସ୍କୁଲ କଲେଜର ଛାତ୍ରଛାତ୍ରୀ ସାମିଲ ହୋଇଥିଲେ । ଜୋନ ଚେୟାରମେନ ଲାୟନ କିଶନଲାଲ ଅଗ୍ରୱାଲ , ଲିଓ ଅନ୍ୱେଷ ସାହୁ ସମେତ ବହୁ ସଦସ୍ୟ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
