ବରଗଡ : ବରଗଡ ଜିଲ୍ଲା ପ୍ରୀମୀୟର ଲିଗ୍, ବିଡିପିଲ୍ -୭ ଉଦ୍ଘାଟିତ ହୋଇଯାଇଛି।ଜିଲ୍ଲା କ୍ରିକେଟ ଆସୋସିଏସନ୍ ସଭାପତି ହରିହର ପ୍ରଧାନଙ୍କ ସଭାପତିତ୍ବ ରେ ଓ ଯୁଗ୍ମ ସମ୍ପାଦକ ସଚ୍ଚିଦାନନ୍ଦ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଉଦ୍ଘାଟନୀ ଉତ୍ସବରେ ବରଗଡ ଉପଖଣ୍ଡ ପୋଲିସ ଅଧିକାରୀ ଦୀପକ କୁମାର ଗୋଚ୍ଛାୟତ ମୁଖ୍ୟ ଅତିଥି ଭାବରେ ଯୋଗଦେଇ ବିଡିପିଲ୍ -୭ କୁ ଆନୁଷ୍ଠାନିକ ଭାବରେ ଉଦ୍ଘାଟନ କରିଥିଲେ । ପ୍ରାରମ୍ଭରେ ସଭାପତି ଶ୍ରୀ ପ୍ରଧାନ ସ୍ବାଗତ ଭାଷଣ ଦେଇଥିବା ବେଳେ ସାଧାରଣ ସମ୍ପାଦକ ରବି ପଣ୍ଡା ପ୍ରତିଯୋଗିତା ର ଆୟୋଜନ ସମ୍ପର୍କରେ ଅବତାରଣା କରିଥିଲେ।ମୁଖ୍ୟ ଅତିଥି ଜିଲ୍ଲା କ୍ରିକେଟ୍ ଆସୋସିଏସନ୍ ର ପତାକା ଉତ୍ତୋଳନ କରିବା ସହ ବିଡ଼ିପିଏଲ୍ ଟ୍ରଫି କୁ ଉନ୍ମୋଚନ କରିଥିଲେ। ଏହି ପ୍ରତିଯୋଗିତାରେ ବରଗଡ ରୟାଲ ଟାଇଗର ,ଅତାବିରା ହୁଆଇଟ ହର୍ଷ , ବରଗଡ ସ୍ପାରଟନ, ୟୁନାଇଟେଡ ଡ୍ରିମ୍ ଇଲେଭେନ ଓ ସିଂ ୱରୀୟରସ ଆଦି ପାଂଚ ଟି ଦଳ ଭାଗ ନେଉଥିବା ବେଳେ ବୁଧବାରରୁ ବରଗଡ଼ ମିନି ଷ୍ଟାଡିୟମରେ ଏହାର ଲିଗ ମ୍ୟାଚ ଆରମ୍ଭ ହେବ ।
