ବରଗଡ : ଭଟଲି ବ୍ଲକ ଅଧିନସ୍ଥ କମଗାଁ ମହାବିଦ୍ୟାଳୟରେ ବାର୍ଷିକ କ୍ରୀଡ଼ା ଉଦଯାପିତ ହୋଇଯାଇଛି ଗତ ୧୯ ତାରିଖରେ କ୍ରୀଡ଼ାବିତ ମାନେ ମା ରାମଚଣ୍ଡୀଙ୍କର ମନ୍ଦିର ରୁ ମଶାଲ ଶୋଭାଯାତ୍ରା କରି ସ୍ଥାପନ କରିଥିଲେ । ଜିଲ୍ଳା ପରିଷଦ ସଭ୍ୟ ଇଶ୍ୱର ଚନ୍ଦ୍ର ସାହୁ ମୁଖ୍ୟଅତିଥି ଭାବେ ଯୋଗଦେଇ କ୍ରୀଡ଼ା ମହୋତ୍ସବକୁ ଉଦଘାଟନ କରିଥିଲେ । ଉଦଯାପନୀ ସମାରୋହରେ ସରସରା ମିଳିତ ଗ୍ରାମ ପଂଚାୟତ କଲେଜର ଅଧ୍ୟକ୍ଷ ଗୋପାଳ କୃଷ୍ଣ ମିଶ୍ର ମୁଖ୍ୟଅତିଥି, ପାହାଡଶ୍ରୀଗିଡା ଆଞ୍ଚଳିକ ମହାବିଦ୍ୟାଳୟର ଅଧ୍ୟକ୍ଷ ରାମକୃଷ୍ଣ ସାହୁ ଓ ସତଲମା ମହାବିଦ୍ୟାଳୟର ଅଧ୍ୟକ୍ଷ ଲିଙ୍ଗରାଜ ବେହେରା ସମ୍ମାନିତ ଅତିଥି ଭାବେ ଯୋଗଦେଇ କୃତୀ ଛାତ୍ରଛାତ୍ରୀଙ୍କୁ ପୁରସ୍କୃତ କରିଥିଲେ ।
କଲେଜର ଅଧ୍ୟକ୍ଷ ପ୍ରେମାନନ୍ଦ ପଟେଲଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଅଧ୍ୟାପିକା ଟୁନି ବେହେରା ଅତିଥି ପରିଚୟ , ଅଧ୍ୟାପକ ଅମୀୟ ପଟେଲ ଧନ୍ୟବାଦ ଅର୍ପଣ କରିଥିଲେ । ଅଧ୍ୟାପିକା ଡ଼ ଦୀପିକା କୁମାରୀ ଓ ଅନୁପମା ପଣ୍ଡା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ପରିଶେଷରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା ।