ବରଗଡ : ଦିଲ୍ଳୀରେ ଚାଲିଥିବା ଦ୍ୱିତୀୟ ଖେଲୋ ମାଷ୍ଟର୍ସ ଗେମ୍ରେ ବରଗଡ଼ର ସନ୍ତୋଷ ପ୍ରଧାନଙ୍କ ସଫଳତା ହାସଲ କରିବା ସହ ତିନୋଟି ସ୍ୱର୍ଣ୍ଣ ପଦକ ହାସଲ କରିଛନ୍ତି । ଦିଲ୍ଳୀ ତ୍ୟାଗରାଜ ଷ୍ଟାଡିୟମଠାରେ ଚାଲିଥିବା ଏହି ପ୍ରତିଯୋଗିତାର ଦ୍ୱିତୀୟ ଦିବସରେ ସନ୍ତୋଷ ବ୍ୟକ୍ତିଗତ ଖେଳ ବିଭାଗ ଟ୍ରିପ୍ରଲ ଜମ୍ପ ଏବଂ ଶହେ ଦଶ ମିଟର ବାଧା ଦୌଡରେ ସ୍ୱର୍ଣ୍ଣ ପଦକ ହାସଲ କରିଛନ୍ତି । ସେହିପରି ପ୍ରଥମ ଦିବସରେ ମଧ୍ୟ ଲଙ୍ଗ ଜମ୍ପରେ ସେ ସ୍ୱର୍ଣ୍ଣ ପଦକ ହାସଲ କରି ଓଡିଶା ପାଇଁ ଗୌରବ ଆଣିଥିଲେ । ଏପ୍ରିଲ ୩୦ ତାରିଖରୁ ଆରମ୍ଭ ହୋଇଥିବା ଏହି ପ୍ରତିଯୋଗିତା ଆଗାମୀ ମଇ ୩ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ବେଳେ ସନ୍ତୋଷ ପ୍ରତିଯୋଗିତାର ୪୫ ବର୍ଷ ବର୍ଗରେ ଶ୍ରେଷ୍ଠ ଏଥେଲେଟ ଭାବରେ ସମ୍ମାନୀତ ହୋଇଛନ୍ତି ।
