ଭଟଲି : ୟୁନିୟନ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ଭଟଲି ବ୍ଲକ ଅନ୍ତର୍ଗତ କମଗାଁ ୟୁନିୟନ ବ୍ୟାଙ୍କଠାରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଯାଇଛି । ୟୁନିୟନ ବ୍ୟାଙ୍କ ଓ ନିଷ୍ଠା ପରିବାରର ମିଳିତ ଆନୁକୁଲ୍ୟରେ ଆୟୋଜିତ ଏହି ଶିବିରରେ ୪୨ ୟୁନିଟ ରକ୍ତ ସଂଗୃହୀତ ହୋଇଥିଲା । ଶିବିରକୁ ୟୁନିୟନ ବ୍ୟାଙ୍କ କମଗାଁ ଶାଖା ପରିଚାଳକ ନିଶାନ୍ତ ସିଲାଦିତ୍ୟ ମହାନ୍ତି, ସୁବ୍ରତ ଷଡଙ୍ଗୀ, କମଗାଁ ଜୁନିୟର କଲେଜର ପ୍ରିନ୍ସିପାଲ ପ୍ରେମାନନ୍ଦ ପଟେଲ ଅତିଥିଭାବରେ ଯୋଗଦେଇ ଫିତା କାଟି ଶୁଭାରମ୍ଭ କରିଥିଲେ ।
ରକ୍ତଦାନ ଶିବିର ଆୟୋଜନ ପାଇଁ କମଗାଁ ୟୁନିୟନ ବ୍ୟାଙ୍କକୁ ନିଷ୍ଠା ପରିବାର ତରଫରୁ ଏକ ସ୍ମୃତି ଫଳକ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । କମଗାଁ ୟୁନିୟନ ବ୍ୟାଙ୍କର ହର୍ଶିତା ଅଗ୍ରୱାଲ, ଦେବାଶିଷ ସ୍ୱାଇଁ, ସୁବାଷ ଶତପଥୀ, ପ୍ରହଲ୍ଲାଦ ବାଗ ଓ ନିଷ୍ଠା ପରିବାରର ଉପଦେଷ୍ଟା ଅଶ୍ୱିନୀ ତ୍ରିପାଠୀ, ଜିତୁ ମହାପାତ୍ର, ମାନସ ମେହେର, ଜୟନ୍ତ ପ୍ରଧାନ, ଚିତ୍ର ପ୍ରଧାନ, ହେମାଞ୍ଚଲ ସାହୁ, ରାତ୍ର ପ୍ରଧାନ, ପୱନ ଷଡଙ୍ଗୀ, ଦିନେଶ ପ୍ରଧାନ ପ୍ରମୁଖ ଶିବିର ପରିଚାଳନାରେ ସକ୍ରିୟ ସହଯୋଗ କରିଥିଲେ ।