ବରଗଡ଼ : ଇନରହ୍ୱିଲ କ୍ଳବ୍ ଅଫ୍ ବରଗଡ଼ ସେଣ୍ଟ୍ରାଲର ସଦସ୍ୟାମାନେ ନିଆରା ଢଙ୍ଗରେ ଦୀପାବଳୀ ପାଳନ କରିଛନ୍ତି । ବରଗଡ଼ ସହର ମଧ୍ୟରେ ଥିବା ବୃଦ୍ଧାଶ୍ରମ ତଥା ରାତ୍ର ଆଶ୍ରୟ ସ୍ଥଳୀରେ କ୍ଳବ୍ର ସଭାନେତ୍ରୀ ଭାବନା ଅଗ୍ରୱାଲଙ୍କ ନେତୃତ୍ୱରେ ଆୟୋଜିତ ଏହି ଦୀପାବଳୀ ପାଳନ କରାଯାଇଥିଲା । ଏଇ ଅବସରରେ ବିଭିନ୍ନ ରଙ୍ଗବିରଙ୍ଗ ଆଲୋକରେ ଆଶ୍ରୟସ୍ଥଳୀକୁ ସୁସଜ୍ଜିତ କରାଯିବା ସହ ସେଠାରେ ମ୍ୟୁଜିକାଲ୍ ଚେୟାର ପ୍ରତିଯୋଗୀତା ,ଭଜନ କାର୍ଯକ୍ରମ ଆଦି ଆୟୋଜନ କରାଯାଇଥିଲା ।
ସମସ୍ତ ଅନ୍ତେବାସୀଙ୍କ ପାଇଁ ଭୋଜନ ବ୍ୟବସ୍ଥା କରାଯିବା ସହ ସେମାନଙ୍କୁ ମିଷ୍ଠାନ୍ନ ଓ ଆକର୍ଷଣୀୟ ଉପହାର ବଣ୍ଟନ କରାଯାଇଥିଲା । କ୍ଳବର ସମସ୍ତ ସଦସ୍ୟା ଅନ୍ତେବାସୀଙ୍କ ସହ ଖୁବ୍ ମନୋରଞ୍ଜନ କରିବା ସହ ନାଚିଥିଲେ । ଏହି କାର୍ଯକ୍ରମରେ ଅନ୍ୟମାନଙ୍କ ସହ କ୍ଲବର ସମ୍ପାଦିକା କିରଣ ବଂଶଲ ଓ ଅନ୍ୟ ସଦସ୍ୟା ଉପସ୍ଥିତ ଥିଲେ ।