ପଦ୍ମପୁର : ଆଗାମୀ ଜାନୁୟାରୀ ୧୧ ରୁ ଆରମ୍ଭ ହେବ ୨୯ ତମ ସର୍ବଭାରତୀୟ ବୋରାସମ୍ବର କ୍ରିକେଟ କପ ଏବଂ ଏହାର ଫାଇନାଲ ମୁକାବିଲା ୧୯ ତାରିଖରେ ଅନୁଷ୍ଠିତ ହେବ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ରାଜ୍ୟ ତଥା ରାଜ୍ୟ ବାହାରରୁ ଦଶ ଗୋଟି ଟିମକୁ ନେଇ ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବାକୁ ଥିବା ବେଳେ ବିଜେତା ଦଳକୁ ୭୦,୦୦୦ ଟଙ୍କା ସହ ଟ୍ରଫି ଓ ଉପବିଜେତା ଦଳକୁ ୪୦,୦୦୦ ଟଙ୍କା ସହ ଟ୍ରପି ପ୍ରଦାନ କରାଯିବ ବୋଲି ବୋରାସମ୍ବର ସ୍ପୋର୍ଟିଙ୍ଗର ସମ୍ପାଦକ ଭରତ ପଣ୍ଡା ସୂଚନା ଦେଇଛନ୍ତି । ସମ୍ବାଦିକ ସମ୍ମିଳନିର ବୋରାସମ୍ବର ସ୍ପୋର୍ଟିଙ୍ଗର ସଭାପତି ସୁନିଲ କୁମାର ସାହୁ, ଉପ-ସଭାପତି ଅବଦୁଲ ରେହେମାନ ଅଲ୍ଲି, ସହ ସମ୍ପାଦକ ସରଜୁ ପଟ୍ଟନାୟକ, ମନିଷ ପ୍ରଧାନ, କୋଷାଧ୍ୟକ୍ଷ ବିଜୟ କୁମାର ଦାଶ, ସହକୋଷାଧ୍ୟକ୍ଷ ଉଜ୍ୱଳ ଅଗ୍ରୱାଲ, ବରିଷ୍ଠ ସଦସ୍ୟ ପ୍ରଶାନ୍ତ ମହାନ୍ତି, କପିଲ ଅଗ୍ରୱାଲ, ବିକାଶ କୁମାର, ଶଙ୍କର ସିହ୍ନା ପ୍ରମୁଖ ଉପସ୍ଥିତ ଥିଲେ ।
