ସମ୍ବଲପୁର: ସମ୍ବଲପୁର ଚିଡିଆଖାନାରେ ପରିବେଶ ସଚେତନତା ନେଇ ଗୋ ଗ୍ରୀନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ହୀରାକୁଦ ୱାଇଲଡ ଲାଇଫ ଡିଏଫଓ ଅଂଶୁପ୍ରଜ୍ଞା ଦାଶଙ୍କ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଆନ୍ତର୍ଜାତୀୟ ମାନ୍ୟତାପ୍ରାପ୍ତ ପ୍ରଶିକ୍ଷକ ଜୟପ୍ରକାଶ ଶତପଥୀ ଯୋଗ ଦେଇ ପଶୁପକ୍ଷୀଙ୍କ ଠାରୁ ମଣିଷର ଶିକ୍ଷା ଶୀର୍ଷକ ନେଇ କର୍ମଶାଳା ଅନୁଷ୍ଠିତ ହୋଇଥିଲା । ଏ ଅବସରରେ ସମ୍ବଲପୁରର ବିଭିନ୍ନ କଲେଜର ଛାତ୍ରଛାତ୍ରୀମାନେ ମଣିଷ କିପରି ପଶୁପକ୍ଷୀଙ୍କ ଠାରୁ ବିଭିନ୍ନ ଶିକ୍ଷଣୀୟ ବାର୍ତା ଜାଣିପାରିବେ ସେ ନେଇ ଶ୍ରୀ ଶତପଥୀ ସଚେତନତା କରିଥିଲେ । ବନ୍ୟପ୍ରାଣୀ ବିଭାଗର କିଶୋର ମେହେର ଏବଂ କାର୍ଯ୍ୟକ୍ରମର ଅନ୍ୟତମ ସହଯୋଗୀ ମୋହିତ ନାଏକଙ୍କ ସଂଯୋଜନାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
