ଅମ୍ବାଭୋନା : ପଶ୍ଚିମ ଓଡ଼ିଶାର ଦ୍ୱିତୀୟ ଯୋରନ୍ଦା ଭାବରେ ପରିଚିତ ବରଗଡ଼ ଜିଲ୍ଲା ଅମ୍ବାଭୋନା ବ୍ଳକ ଅନ୍ତର୍ଗତ ଚିଚୋଲି-ଭୁକ୍ତା ମହିମାଶ୍ରମରେ ପଶ୍ଚିମାଞ୍ଚଳ ତଥା ପଡୋଶୀ ଛତିଶଗଡ଼ ରାଜ୍ୟରେ ମହିମାଧର୍ମୀ ସାଧୁସନ୍ଥ,ଜଗତ ଭଗତ,ବଳ୍କଳଧାରୀ ବୈରାଗୀମାନେ ଶ୍ରାବଣ ପୂର୍ଣ୍ଣିମା ତିଥିରେ ଭଗ୍ନ ମୁତାବକ ନବାନ୍ନ ଭକ୍ଷଣ କରିଥିଲେ ।
ବ୍ରହ୍ମ ଅବଧୂତ ବିରେନ୍ଦ୍ର କୁମାର ବାବା ମହିମା ଗୋସାଇଁଙ୍କୁ ନବାନ୍ନ ଅର୍ପଣ କରିବା ପରେ ସମସ୍ତ ମହିମାଧର୍ମୀ ଭକ୍ତମାନଙ୍କୁ ପ୍ରସାଦ ଭାବେ ବଣ୍ଟନ କରାଯାଇଥିଲା । ଏହି ଅବସରରେ ବିରେନ୍ଦ୍ର କୁମାର ବାବା ,ସାଧୁ ବାଦଲ ଦାସ,କାହ୍ନା ଦାସ,ଅଭୟ ଦାସ,ଦାରୁକ ଦାସ,ଧୃବ ଦାସ, କଶ୍ୟପ ଦାସ, ମହେନ୍ଦ୍ର ତ୍ୟାଗୀ, ନରହରି ତ୍ୟାଗୀ,ସଚିଦା ତ୍ୟାଗୀ ସମେତ ପଶ୍ଚିମାଞ୍ଚଳର ଶତାଧିକ ମହିମା ଧର୍ମ ବିଶ୍ୱାସୀ ଭକ୍ତ ଯୋଗଦାନ କରିଥିଲେ ।
ମହିମା ପୀଠର ପରିଚାଳନା କମିଟି ସଭାପତି ଡ. ଚିନ୍ତାମଣି ପଟେଲ, ସମ୍ପାଦକ ହୃଷୀକେଶ ପଧାନ, ଦାମୋଦର ପଟେଲ,ଧନୀରାମ ପଟେଲ , ରାଜାରାମ ସା,ସୌକିଲାଲ ସାହୁ, ବର୍ତ୍ତୁ ସା,କେଶବ ପଧାନ, ଫକୀର ପଧାନ, ପୂର୍ଣ୍ଣଚନ୍ଦ୍ର ପଧାନ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ । ଶେଷରେ ସମସ୍ତଙ୍କୁ ପ୍ରସାଦ ବଣ୍ଟନ କରାଯାଇଥିଲା । ଶ୍ରାବଣ ପୂର୍ଣ୍ଣିମାର ପୂର୍ବଦିନ ସାଧୁସନ୍ଥ ଗହଣରେ ହୋମଯଜ୍ଞ, ଖଞ୍ଜଣି ଆଠ ଭଜନ ଆଦି ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଥିଲା ।