ବରଗଡ଼ : ସ୍ଥାନୀୟ ବିଦ୍ୟା ବିହାର ସ୍ଥିତ ଇମ୍ପରିୟଲ କଲେଜରେ ପ୍ରାକୃତିକ ରଙ୍ଗକୁ ନେଇ ଏକ ଆବାସିକ ତାଲିମ କାର୍ଯ୍ୟକ୍ରମ ଉଦଘାଟିତ ହୋଇଯାଇଛି । ଏସଆଇଡ଼ିବିଆଇର କ୍ଲଷ୍ଟର ଇଣ୍ଟରଭେନସନ ପ୍ରୋଗ୍ରାମ ଅଧୀନରେ ବରଗଡ ହ୍ୟାଣ୍ଡଲୁମ୍ କ୍ଲଷ୍ଟରର ବିକାଶ ଏବଂ ପ୍ରୋତ୍ସାହନର ମୁଖ୍ୟ ଉଦ୍ଦେଶ୍ୟ |
ଏହି ପଦକ୍ଷେପର ଏକ ଅଂଶ ଭାବରେ ଆଦିତ୍ୟ ବିର୍ଲା ଏବଂ ଇମ୍ପରିୟଲ କଲେଜ ସହିତ ମିଳିତ ଭାବରେ ଜୁଲାଇ ୨୬ ରୁ ଅଗଷ୍ଟ ୩୧ ପର୍ଯ୍ୟନ୍ତ ଏହି କାର୍ଯ୍ୟକ୍ରମ ବରଗଡର ଇମ୍ପରିୟଲ କଲେଜରେ ଅନୁଷ୍ଠିତ ହେବାକୁ ଥିବାବେଳେ ଏଥିରେ ୩୦ ଜଣ ବୁଣାକର ସାମିଲ ହୋଇଛନ୍ତି । ଏହି କାର୍ଯ୍ୟକ୍ରମ ବୁଣାକାର ମାନଙ୍କ ପାଇଁ ରାସାୟନିକ ରଙ୍ଗରୁ ପ୍ରାକୃତିକ ରଙ୍ଗକୁ ପରିବର୍ତ୍ତନ କରିବାର ଶୈଳୀକୁ ସୁବିଧାଜନକ କରିବା ସହ ପରିବେଶୀୟ ସ୍ବାସ୍ଥ୍ୟହିତ ପ୍ରଣାଳୀ ବିଭିନ୍ନତା ଏବଂ ନୂଆ ବଜାର ପ୍ରବେଶକୁ ପ୍ରୋତ୍ସାହନ କରିବ। ଏହି ତାଲିମ ପ୍ରୋଗ୍ରାମରେ ବିର୍ଲା ସେଲୁଲୋଜର ଏକ୍ସେଲ୍ ସୁତା ସହିତ ବିଭିନ୍ନ ପ୍ରକାରର ପ୍ରାକୃତିକ ସୂତା ଯଥା ବାଉଁଶରେ ତିଆରି ସୂତା, କଦଳୀରୁ ତିଆରି ସୂତାକୁ ରଙ୍ଗ କରିବା ବିଷୟରେ ବୁଣାକାର ମାନଙ୍କୁ ପରିବେଷଣ କରାଯିବ। ଉଦଘାଟନୀ ସମାରୋହରେ ଆଇଆଇଏଚଟିର ନିର୍ଦେଶକ ଏମ ଆନନ୍ଦମ, ଆଦିତ୍ୟ ବିର୍ଲାର ଭାଇସ ପ୍ରେସିଡେଣ୍ଟ ପ୍ରିୟଙ୍କା ପ୍ରିୟଦର୍ଶିନୀ, ସମ୍ବଲପୁରୀ ବସ୍ତ୍ରାଳୟର ସଭାପତି ସମ୍ବିତ ଆଚାର୍ଯ୍ୟ ଏବଂ ଇମ୍ପରିୟଲ କଲେଜର ନିର୍ଦେଶକ ଦୀପକ ଗୋୟଲ ଦୀପ ପ୍ରଜ୍ବଳନ କରିବା ସହ କାର୍ଯ୍ୟକ୍ରମକୁ ଆରମ୍ଭ କରିଥିଲେ। ଏହି ତାଲିମ କାର୍ଯ୍ୟକ୍ରମ ପାଇଁ ଇମ୍ପରିୟଲ କଲେଜଠାରେ ଏକ ମଙ୍ଗାଶାଳ ଏବଂ ରଙ୍ଗଘର ମଧ୍ୟ ଉଦଘାଟିତ ହୋଇଯାଇଅଛି।