ବରଗଡ : ଫ୍ଲୋରା ସ୍କୁଲରେ ଗ୍ରୀଷ୍ମକାଳୀନ ଶିବିର ଉଦଯାପିତ ହୋଇଯାଇଛି । ୯ ଦିନ ଧରି ଚାଲିଥିବା ଏହି ଶିବିରରେ ବିଭିନ୍ନ ସ୍କୁଲରୁ ଆସିଥିବା ଛାତ୍ରଛାତ୍ରୀମାନେ ଭାଗ ନେଇଥିଲେ । ସ୍କୁଲର ଚେୟାରମେନ ପ୍ରୀତମ ବେହେରା ଓ ଅଧ୍ୟକ୍ଷ ଦୈତାରୀ ସେଠଙ୍କ ପରିଚାଳନାରେ ଅନୁଷ୍ଠିତ ଉଦଯାପନୀ ସଭାରେ ଆନ୍ତର୍ଜାତୀୟ ମାନ୍ୟତାପ୍ରାପ୍ତ ପ୍ରଶିକ୍ଷକ ଜୟପ୍ରକାଶ ଶତପଥୀ ମୁଖ୍ୟଅତିଥି , ଅବସରପ୍ରାପ୍ତ ସାମରିକ ଅଧିକାରୀ ବିଦ୍ୟୁତ ଦାଶ ମୁଖ୍ୟବକ୍ତା , ବରଗଡ଼ ସାଇନ୍ସ କଲେଜର ଅଧ୍ୟକ୍ଷ ବିକାଶ ସେନ ସମ୍ମାନୀତ ଅତିଥି ଭାବରେ ଯୋଗଦେଇଥିଲେ । ଭାସ୍ୱତୀ ଓ ଅମ୍ରିତା କାର୍ଯ୍ୟକ୍ରମ ପରିଚାଳନା କରିଥିଲେ । ଶେଷରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । 
