ବରଗଡ଼ : ବରଗଡ଼ ସଦର ବ୍ଳକ କଟାପାଲି ଗ୍ରାମରେ ମାଁ ଦୁର୍ଗା ଏବଂ ମାଁ ଦଶମତୀଙ୍କ ମନ୍ଦିର ସହ ମାଁ ଦଶମତୀ ଦେବୀଙ୍କ ଅଷ୍ଟଧାତୁ ନିର୍ମିତ ବିଗ୍ରହ ପ୍ରତିଷ୍ଠା ଉତ୍ସବ ଆରମ୍ଭ ହୋଇଛି । ପାଂଚ ଦିନ ଧରି ଚାଲିବାକୁ ଥିବା ଏହି ପ୍ରତିଷ୍ଠା ଉତ୍ସବର ପ୍ରଥମ ଦିବସ ରେ ଆଜି କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା ।
ସେହିପରି ବିଭିନ୍ନ ଦିବସରେ ସୂର୍ଯ୍ୟପୂଜା , ଗୋପୂଜନ, ବିଭିନ୍ନ ଦେବାଦେବୀଙ୍କ ପୂଜନ , ହୋମ , ଆରତୀ ଅନୁଷ୍ଠିତ ହେବ । ଆସନ୍ତା ୨୫ ତାରିଖରେ ମନ୍ଦିର ପ୍ରତିଷ୍ଠାର ଶେଷ ଦିବସରେ ଧ୍ୱଜାରୋହଣ , ଦେବୀଙ୍କ ମନ୍ଦିର ପ୍ରବେଶ ସହ ପୂର୍ଣ୍ଣାହୂତୀ କାର୍ଯ୍ୟକ୍ରମ ରହିଛି ।
ଏଥିପାଇଁ ନବ ନିର୍ମିତ ମନ୍ଦିର ତଥା ଆଖପାଖ ଅଚଂଳରେ ଉଜ୍ୱଳ ଆଲୋକର ବ୍ୟବସ୍ଥା କରାଯାଇଥିବା ବେଳେ ପ୍ରତ୍ୟହ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ ବୋଲି ସୂଚନା ଦିଆଯାଇଛି ।