ବରପାଲି : ବରପାଲି କଲେଜରେ ବିଶ୍ୱ ବନଦିବସ ପାଳିତ ହୋଇଯାଇଛି । ଜିଲ୍ଳା ପରିବେଶ ସମିତି , ଜିଲ୍ଳା ପରିବେଶ ସଚେତନତା ସମିତି ଏବଂ ଇକୋ କ୍ଳବର ମିଳିତ ଆନୁକୂଲ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଡିଇସିଏସ ସଭାପତି ତେଜରାଜ ଭୋଇ ସଭାପତିତ୍ୱ କରିଥିଲେ । ଏ ଅବସରରେ ଶିକ୍ଷାବିଦ୍ ଡ.ଘନଶ୍ୟାମ ପାଣିଗ୍ରାହୀ ମୁଖ୍ୟଅତିଥି ଭାବରେ ଯୋଗଦାନ କରିଥିଲେ । ସେହିପରି ବରପାଲି କଲେଜର ଅଧ୍ୟକ୍ଷା ଶ୍ରୀମତୀ ସୌଦାମିନୀ ପାଣ୍ଡେ , ରେଶମ କଲେଜର ପୂର୍ବତନ ଅଧ୍ୟକ୍ଷ ପୁରନ୍ଦର ନନ୍ଦ ସମ୍ମାନୀତ ଅତିଥି ଏବଂ ଜିଲ୍ଳା ଗଛ୍ ଜଗା ମିଶନର ସଭାପତି ଜେଠୁ ଭୋଇ ମୁଖ୍ୟବକ୍ତା ଭାବରେ ଯୋଗଦେଇ ବନ ଦିବସର ଉପକାରିତା ଉପରେ ମତବ୍ୟକ୍ତ କରିଥିଲେ । ଡିଇସିଏସ ସଂପାଦକ ମୋହନଚାନ୍ଦ ପ୍ରଧାନ ବିବରଣୀ ପାଠ କରିଥିବା ବେଳେ ଇକୋ କ୍ଳବର ସଂଯୋଜକ ଭକ୍ତବନ୍ଧୁ ପ୍ରଧାନ ପରିଚୟ ପ୍ରଦାନ ଏବଂ ସହ ସଂଯୋଜିକା ପ୍ରଜ୍ଞାପାରମିତା ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।
