ବରଗଡ଼ : ଦେଶର ଅଗ୍ରଣୀ ମୋଟର ସାଇକେଲ କଂପାନୀ ଏନଫିଲ୍ଡ ପକ୍ଷରୁ ଏହାର ଅତ୍ୟାଧୁନିକ ମଡେଲ ବୁଲେଟ ସ୍କାମ୍ ୪୧୧ ଲୋକାର୍ପିତ ହୋଇଯାଇଛି । ବୁଲେଟର ଅଧିକୃତ ବିକ୍ରେତା ଶ୍ରୀ ଶ୍ୟାମଜୀ ବାଇକ ପଏଣ୍ଟରେ ଅନୁଷ୍ଠିତ ଏକ ସ୍ୱତନ୍ତ୍ର ସମାରୋହରେ ଜୟ ପ୍ରକାଶ ଶତପଥୀ ମୁଖ୍ୟ ଅତିଥି ଭାବରେ ଉପସ୍ଥିତ ରହି ଏହି ମଡେଲ ବିକ୍ରୀର ଶୁଭ ଉନ୍ମୋଚନ କରିଥିଲେ । ଏହି ନୂତନ ମଡେଲରେ ଅନେକ ଅତ୍ୟାଧୁନିକ ସୁବିଧା ସହ ୪୧୧ ସିସିର ଇଞ୍ଜିନ ଲାଗିଥିବା ବେଳେ ଏହା ଦୂର ଯାତ୍ରା ପାଇଁ ବେଶ ଉପଯୋଗୀ ବୋଲି କଂପାନୀ ପକ୍ଷରୁ କୁହାଯାଇଛି ।
ଏହି ନୂତନ ମଡେଲ ସାତଟି ରଙ୍ଗରେ ଉପଲବ୍ଧ ଅଛି । କାର୍ଯ୍ୟକ୍ରମକୁ ଶ୍ରୀ ଶ୍ୟାମଜୀ ବାଇକ ପଏଣ୍ଟର ସତ୍ୱାଧିକାରୀ ବିନୋଦ ଅଗ୍ରୱାଲ ପରିଚାଳନା କରିଥିବା ସେଲସ ଅଫିସର ଦିଲୀପ ଦାଶ ନୂତନ ମଡେଲ ଉପରେ ବିଶଦ ସୂଚନା ଦେଇଥିଲେ । ଅନ୍ୟମାନଙ୍କ ମଧ୍ୟରେ ସନ୍ତୋଷ ପାଣିଗ୍ରାହୀ , ଲକ୍ଷ୍ମୀପ୍ର୍ରିୟା, ରଞ୍ଜିିତା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ