ବରଗଡ଼ : ବରଗଡ଼ ବଦ୍ରିପ୍ରସାଦ ନର୍ସିଂ କଲେଜଠାରେ ନୂତନ ଛାତ୍ରଛାତ୍ରୀମାନଙ୍କ ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଯାଇଛି । ଫ୍ଲୋରେନ୍ସ ନାଇଟ ଏଙ୍ଗଲ ଓ ମଦର ଟେରେସାଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ ପରେ ଛାତ୍ରୀମାନେ ମହମବତୀ ଧରି ଶପଥ ଗ୍ରହଣ କରିଥିଲେ । କଲେଜର ଅଧ୍ୟକ୍ଷା ସୋନମ ତ୍ରିପାଠୀଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଜିଲ୍ଳା ମୁଖ୍ୟ ଡାକ୍ତରଖାନାର ମୁଖ୍ୟ ନର୍ସ ବାଲାମେଟ ଏକ୍କା ଛାତ୍ରୀମାନଙ୍କୁ ଶପଥ ପାଠ କରାଇଥିଲେ ।
ବଦ୍ରିପ୍ରସାଦ ଗୃପ ଅଫ ଇନଷ୍ଟିଚ୍ୟୁଟର ମୁଖ୍ୟ ସଂଜୀବ ଅଗ୍ରୱାଲ , ବେଣୁଧର ଦାଶ, ଅରୁଣ ଅଗ୍ରୱାଲ , ସମର୍ଥ ଅଗ୍ରୱାଲ ପ୍ରମୁଖ ଏ ଅବସରରେ ମଚାଂସୀନ ଥିଲେ । ସଭା ପରେ ଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।