ବରଗଡ଼ : ବରଗଡ଼ ଜିଲ୍ଲା ତାଇକୋଣ୍ଡୋ ଏସୋସିଏସନ ପକ୍ଷରୁ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଯାଇଛି । କୁନି ମାର୍ଶାଲ ଆର୍ଟିଷ୍ଟ ପ୍ରିୟା କୁମାରୀ ଓ ଏସୋସିଏସନର ସଭାପତି ନବକିଶୋର ପାଣିଗ୍ରାହୀ ଫିତା କାଟି ଶିବିରକୁ ଉଦଘାଟନ କରିଥିଲେ । ଶିବିରରେ ସମୁଦାୟ ୨୭ ୟୁନିଟ ରକ୍ତ ସଂଗ୍ରହ ହୋଇଥିଲା । ଏସୋସିଏସନର ସମ୍ପାଦକ ବିଜୟ କୁମାର ଭୋଇଙ୍କ ସମେତ କୁନି ମାର୍ଶାଲ , ଅନ୍ୟାନ୍ୟ କାର୍ଯ୍ୟକର୍ତା ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ଶିବିର ପରିଚାଳନାରେ ବରଗଡ଼ ବ୍ଲଡ଼ ବ୍ୟାଙ୍କର ଶ୍ରୀବତ୍ସ ସେଠ ଓ ସବିତା ନାୟକ ସହଯୋଗ କରିଥିଲେ ।
