ବରଗଡ : ଗଣପର୍ବ ନୂଆଖାଇ ନୂଆ ଧାନ, ନୂଆ ମନ ନେଇ ମଣିଷକୁ ପୁଣିଥରେ ନିଜକୁ କାର୍ଯ୍ୟପଥରେ ଅଗ୍ରସର ହେବା ପାଇଁ ଉତ୍ସାହିତ କରେ ବୋଲି ବରଗଡ଼ରେ ଅନୁଷ୍ଠିତ ଜିଲ୍ଳାସ୍ତରୀୟ ନୂଆଖାଇ ଭେଟଘାଟ ତଥା ମୁଖ୍ୟମନ୍ତ୍ରୀ ଲୋକକଳା ଟ୍ରଫି ପ୍ରତିଯୋଗିତା ମତପ୍ରକାଶ ପାଇଛି । ଏହି କାର୍ଯ୍ୟକ୍ରମରେ ପଦ୍ମଶ୍ରୀ ହଲଧର ନାଗ ମୁଖ୍ୟଅତିଥି , ବିଧାୟକ ଦେବେଶ ଆଚାର୍ଯ୍ୟ ସମ୍ମାନୀତ ଅତିଥି ଏବଂ ନାଟ୍ୟକାର କେଶରଞ୍ଜନ ପ୍ରଧାନ ମୁଖ୍ୟବକ୍ତା ଭାବେ ଯୋଗଦାନ କରିଥିଲେ । ଏ ଅବସରରେ ରାଜ୍ୟ ସଂଗୀତ ନାଟକ ଏକାଡେମୀ ଦ୍ୱାରା ପୁରସ୍କୃତ ନାଟ୍ୟ ନିର୍ଦ୍ଦେଶକ ହରିହର ମିଶ୍ର ଏବଂ ଅଭିନେତ୍ରୀ ସୁଶୀଲା ନାୟାରଙ୍କୁ ଜିଲ୍ଳା ପ୍ରଶାସନ ତରଫରୁ ସମ୍ମର୍ଦ୍ଧିତ କରାଯାଇଥିଲା ।
ଜିଲ୍ଳାର ବିଭିନ୍ନ ପ୍ରାନ୍ତରୁ ଯୋଗଦେଇଥିବା କରମସାନୀ , ଖଞ୍ଜଣୀ ଭଜନ , ଡାଲଖାଇ, ରସକେଲି , କରମାନାଚ , ସଂପ୍ରଦା, ଶଦ୍ଦନୃତ୍ୟ , ଘୁଡୁକାନୃତ୍ୟ , କଲଙ୍ଗୀ ନୃତ୍ୟ , ସଂଚାର ନୃତ୍ୟ , ଦୁଲହାବିହା ଆଦି ପରିବେଷିତ ହୋଇଥିଲା ।