ବରଗଡ଼ : ବରଗଡ ସୌଖୀନ ରଙ୍ଗମଂଚଠାରେ ମହାନ ଚିନ୍ତାନାୟକ ତଥା ରାଜନେତା କିଶନ ପଟ୍ଟନାୟକଙ୍କ ୧୭ ତମ ଶ୍ରାଦ୍ଧବାର୍ଷିକୀ ପାଳିତ ହୋଇଯାଇଛି । କିଶନ ପଟ୍ଟନାୟକ ସମତା ଟ୍ରଷ୍ଟ ଦ୍ୱାରା ଆୟୋଜିତ ତଥା ଉତ୍ପନ୍ନ ଭୋଇ ଙ୍କ ସଭାପତିତ୍ୱ ରେ ଅନୁଷ୍ଠିତ ସ୍ମାରକୀ ବକୃତାକୁ ଚାଷୀ ନେତା ଲିଙ୍ଗରାଜ ସଂଯୋଜନା କରିଥିଲେ । ଏ ଅବସରରେ ସାଂପ୍ରତିକ କୃଷକ ଆନ୍ଦୋଳନର ଦିଶା ଏବଂ ଭାରତୀୟ ଗଣତନ୍ତ୍ରର ଭବିଷ୍ୟତ ଶୀର୍ଷକ ସ୍ମାରକୀ ବକୃତାରେ ମୁଖ୍ୟ ବକ୍ତା ଭାବରେ ସମଦୃଷ୍ଟିର ସଂପାଦକ ସୁଧିର ପଟ୍ଟନାୟକ ଯୋଗ ଦେଇଥିଲେ । ସଭାପ୍ରାରମ୍ଭରେ ଗାଁ ମାଟି ସାଂସ୍କୃତିକ ଅନୁଷ୍ଠାନ ଦ୍ୱାରା ସଂଗ୍ରାମୀ ଗୀତ ପରିବେଷିତ ହୋଇଥିବା ବେଳେ ଅତିଥି ମାନେ ସ୍ୱର୍ଗତ କିଶନ ପଟ୍ଟନାୟକଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ । ସଭା ଶେଷରେ ନାଟ୍ୟକାର ଅରୁଣ ସାହୁଙ୍କ ରଚିତ ଓ ନିର୍ଦ୍ଦେଶିତ ତଥା କଟାପାଲି ସ୍ପେସ ଥିଏଟରର କଳାକାରମାନଙ୍କ ଦ୍ୱାରା ଅଭିନୀତ ସମ୍ବଲପୁରୀ ନାଟକ ଅଛେଦିନ୍ ମଚଂସ୍ଥ ହୋଇଥିଲା
