ବରଗଡ଼ : ଇନରହ୍ୱିଲ କ୍ଳବ ପକ୍ଷରୁ ଏକ ଶିକ୍ଷକ ପ୍ରଶିକ୍ଷଣ କାର୍ଯ୍ୟକ୍ରମ ଫ୍ଲୋରା ଆଇସିଏସସି ସ୍କୁଲଠାରେ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମର ପ୍ରାରମ୍ଭରେ ଇନରହ୍ୱିଲ କ୍ଳବ ଅଫ୍ ବରଗଡ଼ ସେଣ୍ଟ୍ରାଲର ସଭାନେତ୍ରୀ ଭାବନା ଅଗ୍ରୱାଲ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ସ୍କୁଲର ଶିକ୍ଷକ ଶିକ୍ଷୟତ୍ରୀମାନଙ୍କ ପାଇଁ ଅନୁଷ୍ଠିତ କାର୍ଯ୍ୟକ୍ରମକୁ ଆନ୍ତର୍ଜାତୀୟ ମାନ୍ୟତାପ୍ରାପ୍ତ ପ୍ରଶିକ୍ଷକ ଜୟପ୍ରକାଶ ଶତପଥୀ ପରିଚାଳନା କରିଥିଲେ । ନୂତନ ଶିକ୍ଷାନୀତିରେ ପ୍ରାଥମିକସ୍ତରରେ ହୋଇଥିବା ବିଭିନ୍ନ ପରିବର୍ତ୍ତନ ବିଷୟରେ ସେ ବିଶଦ ସୂଚନା ପ୍ରଦାନ କରିଥିଲେ । କାର୍ଯ୍ୟକ୍ରମର ଶେଷ ଭାଗରେ ପ୍ରଶ୍ନୋତ୍ତର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଫ୍ଲୋରା ସ୍କୁଲ ପକ୍ଷରୁ ଅଧ୍ୟକ୍ଷ ଦୈତାରି ସେଠ ଇନରହ୍ୱିଲ କ୍ଳବର ସଦସ୍ୟାମାନଙ୍କୁ ସମ୍ମାନୀତ କରିଥିଲେ । ଏହି କାର୍ଯ୍ୟକ୍ରମକୁ ଇନରହ୍ୱିଲ ପକ୍ଷରୁ ସଂପାଦିକା ଅଫସାନା ଲୋଧିଆ, ମୌସୁମୀ ନକୁଲା ଓ ପିଙ୍କି ବଗର୍ତ୍ତି ପ୍ରମୁଖ ପରିଚାଳନା କରିଥିଲେ । 
