ବରଗଡ଼ : ସ୍ଥାନୀୟ ସଂସ୍କାର ଇଣ୍ଟରନେସନାଲ ସ୍କୁଲର ଛାତ୍ରଛାତ୍ରୀମାନେ ଆଇଆଇଏମ ସମ୍ବଲପୁର ପରିଦର୍ଶନ ଯାଇ ଉତ୍ତମ ମାର୍ଗଦର୍ଶନ ପାଇଁ ଅନୁପ୍ରାଣିତ ହୋଇଥିଲେ । ଅଧ୍ୟକ୍ଷ ସୁମନ ସାୱଡିଆଙ୍କ ନେତୃତ୍ୱରେ ଦ୍ୱାଦଶ ଶ୍ରେଣୀ କମର୍ସ ଛାତ୍ରଛାତ୍ରୀ ଏହି ପରିଭ୍ରମଣରେ ସାମିଲ ହୋଇଥିବା ବେଳେ ତାଙ୍କ ସହିତ ବିଦ୍ୟାଲୟର ଶିକ୍ଷକ ହର୍ଷଲ ଦାନ, ଶଶି ପାଣ୍ଡେ ଏବଂ ଅଶ୍ଳେଷା କୁମ୍ଭାର ମଧ୍ୟ ସାମିଲ ହୋଇଥିଲେ । ଆଇଆଇଏମ୍ ନିର୍ଦ୍ଦେଶକ ମହାଦେବ ଜୟସୱାଲ ଏବଂ ତାଙ୍କ ଟିମ୍ ଉତ୍ସାହର ସହିତ ଛାତ୍ରଛାତ୍ରୀ ମାନଙ୍କୁ ସ୍ୱାଗତ କରିବା ସହ କଠିନ ପରିଶ୍ରମ, ଭାବନାକୁ ସଞ୍ଜତ ରଖିବା , ବ୍ୟକ୍ତିତ୍ୱକୁ ସୁବିକଶିତ କରିବା , ନିଜର ମୂଲ୍ୟାଙ୍କନ ନିଜେ କରିବା,ଏବଂ ଉତ୍ତମ ସ୍ୱାସ୍ଥ୍ୟ ପ୍ରତି ସଜାଗ ରହିବାକୁ ପରାମର୍ଶ ଦେଇଥିଲେ । ଏହା ସହିତ “ଆଇଆଇଏମ୍’ର ଆଡମିଶନ ପ୍ରକ୍ରିୟା ଏବଂ ନିଯୁକ୍ତି ସୁଯୋଗ ବିଷୟରେ ମଧ୍ୟ ସୂଚନା ଦିଆଯାଇଥିଲା ।
