ବରଗଡ଼ : ବରଗଡ଼ କ୍ଳିନିକାଲ ଏଷ୍ଟାବ୍ଳିଷମେଣ୍ଟ ଓ ପ୍ରାଇଭେଟ ଡାକ୍ତର ଏସୋସିଏନ ପକ୍ଷରୁ ସ୍ଥାନୀୟ୍ର ସ୍ୱୟଂସିଦ୍ଧା ଭବନଠାରେ ଆଜାଦି କା ଅମୃତ ମହୋତ୍ସବ ଅବସରରେ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଡାକ୍ତର ରାଜେଶ ତ୍ରିପାଠୀଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବରଗଡ଼ ବିଧାୟକ ଦେବେଶ ଆଚାର୍ଯ୍ୟ ମୁଖ୍ୟଅତିଥି ଭାବରେ ଯୋଗ ଦେଇଥିଲେ । ଅନ୍ୟମାନଙ୍କ ଡାକ୍ତର ପ୍ୟାରେଲାଲ ତ୍ରିପାଠୀ , ଡାକ୍ତର ପ୍ରବୀଣ ଅଗ୍ରୱାଲ , ସିଡିଏମଓ ଡାକ୍ତର ସାଧୁଚରଣ ଦାଶ , ଡାକ୍ତର ସୁବଳ କର ପ୍ରମୁଖ ମଚାଂସୀନ ଥିଲେ । ଏହି କାର୍ଯ୍ୟକ୍ରମରେ ଅବସରପ୍ରାପ୍ତ ସାମରିକ କର୍ମଚାରୀ ସଂଘ ପକ୍ଷରୁ ବିଦ୍ୟୁତ ଦାଶ ନିଜର ବକ୍ତବ୍ୟ ପ୍ରଦାନ କରିଥିଲେ । ବରଗଡ଼ ଜିଲ୍ଳାର ଅବସର ପ୍ରାପ୍ତ ସାମରିକ କର୍ମଚାରୀମାନଙ୍କୁ ସମ୍ବର୍ଦ୍ଧନା ଜ୍ଞାପନ କରାଯିବ ସହ ଦେଶ ପାଇଁ ସେମାନଙ୍କର ସେବା ମନୋଭାବକୁ ଉଚ୍ଚ ପ୍ରଶଂସା କରାଯାଇଥିଲା ।
