ବରଗଡ଼ : ବିଦ୍ୟାବିହାର ସ୍ଥିତ ଇମ୍ପରିୟଲ କଲେଜରେ ପାଲା ମାଧ୍ୟମରେ ନୈତିକତା ଓ ମୂଲ୍ୟବୋଧ ଶିକ୍ଷା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଶିକ୍ଷାବିଦ ବ୍ୟଙ୍ଗକବି ମନୋରଞ୍ଜନ ସାହୁ ମୁଖ୍ୟଅତିଥି ଭାବରେ ଯୋଗ ଦେଇ କାର୍ଯ୍ୟକ୍ରମ କୁ ଉଦଘାଟନ କରିଥିଲେ । ଗୁରୁ ନିରଞ୍ଜନ ମହାପାତ୍ର ଓ ସାଥୀ ପାଲା ପରିବେଷଣ କରିଥିଲେ । ଇମ୍ପରିୟଲ କଲେଜର ଚେୟାରମ୍ୟାନ ଦୀପକ ଗୋୟଲଙ୍କ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ପ୍ରଫେସର ପତିତପାବନ ସାହୁ , ଡ. ସୁନୀଲ ଦେବତା , ଅବସରପ୍ରାପ୍ତ ପ୍ରାଧ୍ୟାପକ ସନ୍ତୋଷ ପଣ୍ଡା , ଅଧ୍ୟାପକ ମୋହନ ସାହୁ ପ୍ରମୁଖ ଯୋଗ ଦେଇ ନୈତିକତା ଓ ମୂଲ୍ୟବୋଧ ଶିକ୍ଷା ଉପରେ ସମ୍ୟକ ସୂଚନା ଦେଇଥିଲେ ।
