ବରଗଡ଼ : ବିଶ୍ୱ ନାଟ୍ୟ ଦିବସ ଅବସରରେ ବରଗଡ଼ ସୌଖୀନ ରଙ୍ଗମଞ୍ଚଠାରେ ସମର୍ପଣ ନାଟ୍ୟ ଅନୁଷ୍ଠାନ ତରଫରୁ ‘ମାୟାମିରିଗ’ ମଞ୍ଚସ୍ଥ ହୋଇଯାଇଛି । ନାଟ୍ୟକାର ରବୀନ୍ଦ୍ର କୁମାର ଭୋଇଙ୍କ ରଚିତ ଏବଂ ସଞ୍ଜୟ କୁମାର ବେହେରାଙ୍କ ନିର୍ଦ୍ଦେଶିତ ଏହି ନାଟକରେ ସଂଜୟ ଶତପଥୀ , ସଂଜୟ ବେହେରା, କନକ ଡନସେନା, ପ୍ରୟାସ ବିର୍ତ୍ତିଆ, ଧିରେନ ଭୋଇ, ସୌମ୍ୟ ପୃଷ୍ଟି , ପ୍ରସନ୍ନ ଦାଶ ପ୍ରମୁଖ ଅଭିନୟ କରିଥିଲେ । ନାଟକଟି ଦର୍ଶକଙ୍କ ଦ୍ୱାରା ବେଶ ପ୍ରଶସିଂତ ହୋଇଥିଲା । 
ପ୍ରାରମ୍ଭରେ ଅନୁଷ୍ଠାନର ସଭାପତି ପ୍ରସନ୍ନ ଦାଶଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ବରିଷ୍ଠ ଆଇନଜିବୀ ଦେବଦତ୍ତ ମିଶ୍ର ମୁଖ୍ୟଅତିଥି, ମଞ୍ଚ ଅଭିନେତା ଅଶ୍ୱିନୀ ପଣ୍ଡା ମୁଖ୍ୟବକ୍ତା , ରାଜେନ୍ଦ୍ର ସାହୁ ସମ୍ମାନୀତ ଅତିଥି ଭାବରେ ଯୋଗଦେଇଥିଲେ । ସତ୍ୟନାରାୟଣ ପାଢ଼ୀ ସଂଯୋଜନା କରିଥିବା ବେଳେ ସୁରେଶ ଦାଶ ଧନ୍ୟବାଦ ଅର୍ପଣ କରିଥିଲେ ।