ଅମ୍ବାଭୋନା : ଅମ୍ବାଭୋନା ବ୍ଳକ ଭୁକ୍ତା ମହାତ୍ମା ଗାନ୍ଧୀ ଜୁନିୟର ମହାବିଦ୍ୟାଳୟରେ ଗୁରୋଲାଲ ଏବଂ ଡ.ଶରତ କୁମାର ପ୍ରଧାନ ସ୍ମୃତି ସମ୍ମାନ ପ୍ରଦାନ ସମାରୋହ ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ଧୃବଚରଣ ସା ଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କଳା ବିଭାଗ ଦ୍ୱିତୀୟ ବର୍ଷ ଛାତ୍ରୀ ରିଙ୍କି ସା ଙ୍କୁ ଗୁରେଲାଲ ମେମୋରିଆଲ ସମ୍ମାନ , କଳା ବିଭାଗ ପ୍ରଥମ ବର୍ଷ ଛାତ୍ରୀ ଜୟଶ୍ରୀ ସାହୁଙ୍କୁ ଡ.ଶରତ କୁମାର ପ୍ରଧାନ ସ୍ମୃତି ସମ୍ମାନ ପ୍ରଦାନ କରାଯାଇଥିଲା ।
ସେହିପରି ଗତ ବର୍ଷ କଳା ଓ ବିଜ୍ଞାନ ବିଭାଗରେ ଶ୍ରେଷ୍ଠ ସ୍ଥାନ ଅଧିକାର କରିଥିବା ଛାତ୍ରୀ ତନୟା ନାୟକ ଏବଂ ଜ୍ୟୋତି ବେହେରାଙ୍କୁ ଶ୍ରେଷ୍ଠ ଛାତ୍ର ଛାତ୍ରୀ ପୁରସ୍କାର ପ୍ରଦାନ କରାଯାଇଥିଲା । କୋଭିଡ ନିୟମାନୁସାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବରିଷ୍ଠ ପ୍ରାଧ୍ୟାପକ ରାଜକିଶୋର ପ୍ରଧାନ, ଅଧ୍ୟାପକ ଜଗଦୀଶ ନାୟକଙ୍କ ସମେତ ସମସ୍ତ ଅଧ୍ୟାପକ , ଅଧ୍ୟାପିକା ଉପସ୍ଥିତ ରହି ସହଯୋଗ କରିଥିଲେ ।