ବରଗଡ : ଦେଶର ପ୍ରତିଷ୍ଠିତ ପ୍ରବନ୍ଧନ ଶିକ୍ଷାନୁଷ୍ଠାନ ଆଇଆଇଏମ ବାଙ୍ଗାଲୋରଠାରେ ଅନୁଷ୍ଠିତ “ଏକ୍ସିମସ୍-୨୦୨୩” ରେ ଇମ୍ପରିୟ ଲ କଲେଜର ୬ ଜଣ ଛାତ୍ରଛାତ୍ରୀ ଓ ଦୁଇ ଜଣ ଅଧ୍ୟାପିକା ମନୋନୀତ ହୋଇ ଯୋଗଦାନ କରିଥିଲେ । ଆଇଆଇଏମ ବାଙ୍ଗାଲୋର ପକ୍ଷରୁ ଅନୁଷ୍ଠିତ ଏହି କାର୍ଯ୍ୟକ୍ରମରେ ଦେଶର ପ୍ରତିଷ୍ଠିତ ବ୍ୟକ୍ତିତ୍ୱ ଡକ୍ଟର କିରନ ବେଦୀ , ଅଙ୍କୁରୱାରିକୁ , ଅଂଶ ମେହେରା, ଗଣେଷ ପ୍ରସାଦ ଶ୍ରୀଧରନ , ବରୁଣ ଅଲଗ , ଗଜଲ ଅଲଗ, ଆୟୁଷ ୱାଦବା ପ୍ରମୁଖ ବକ୍ତା ଭାବରେ ଯୋଗଦେଇ ଛାତ୍ରଛାତ୍ରୀମାନଙ୍କୁ ଦିଗଦର୍ଶନ କରିଥିଲେ । 
ଏହି ସମ୍ମିଳନୀରେ ବାଙ୍ଗାଲୋର ଠାରେ ବିଭିନ୍ନ ପ୍ରତିଷ୍ଠିତ ଅନୁଷ୍ଠାନ ମାନଙ୍କରେ କାର୍ଯ୍ୟରତ ପୁରାତନ ଛାତ୍ରଛାତ୍ରୀମାନଙ୍କ ମଧ୍ୟ ଏକ ମତବିନିମୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଉଦ୍ୟୋଗୀ ବିକାଶ ଏବଂ ବର୍ତ୍ତମାନ ବିଭିନ୍ନ କାର୍ଯ୍ୟକ୍ଷେତ୍ରରେ ନୂତନ ଜ୍ଞାନକୌଶଳ ଉପରେ ଆଲୋଚନା କରାଯାଇଥିଲା । ଇତି ମଧ୍ୟରେ ଏହି ପ୍ରତିନିଧି ଦଳ ସମ୍ମିଳନୀ ଓ ପୁରାତନ ଛାତ୍ରଛାତ୍ରୀ ବୈଠକରେ ଯୋଗଦେଇ ବରଗଡ଼ ଫେରି ଆସିଛନ୍ତି । ଏହି ପ୍ରତିନିଧି ଦଳରେ ଅମନ୍ ଉପାଧ୍ୟାୟ , ଅନିଶା ରୁନ୍ତଥାଲା , ଅଭୟ ନନ୍ଦନ ମଲିକ, ଅଭିନାଶ ମହାପାତ୍ର , ବିକାଶ କୁମାର ଅଗରୱାଲ୍ , ମହେଶ ଜୈନ ଯୋଗଦେଇଥିଲେ ।