ବରଗଡ଼ : ବାସ୍ତବରେ ଜାତି ବୋଲି କିଛି ନାହିଁ , ଆମେ ସମସ୍ତେ ସମାନ ଏପରି ଏକ ବାର୍ତା ନେଇ ନିର୍ମିତ ହୋଇଥିବା ‘ମୁନୁଷର୍ ଜାଏତ୍’ ଗୁରୁବାର ସ୍ଥାନୀୟ ଟାଉନ ହଲଠାରେ ମୁକ୍ତିଲାଭ କରିଛି । ଏ ଅବସରରେ ପଦ୍ମଶ୍ରୀ ଜିତେନ୍ଦ୍ର ହରିପାଲ ମୁଖ୍ୟଅତିଥି ଭାବରେ ଯୋଗଦାନ କରିଥିଲେ । ବିରେନ୍ଦ୍ର କୁମାର ବନଛୋରଙ୍କ ଲିଖିତ ଏବଂ ନିର୍ଦ୍ଦେଶିତ ଏହି ସଟ୍ ଫିଲ୍ମରେ ମୁଖ୍ୟ ଭୂମିକାରେ ଆଶୁତୋଷ ମିଶ୍ର ଏବଂ ସୁନାଲି ନାଏକ ଅଭିନୟ କରିଛନ୍ତି । ସେହିପରି ତୁଲାରାମ କଲେତ ସଂଗୀତ ନିର୍ଦ୍ଦେଶନା ଦେଇଥିବା ବେଳେ ଅଜିତ ପାଣିଗ୍ରାହୀ, ଟୁକୁଲୁ ଦାଶ ଏବଂ ମୁଗ୍ଧା ଦାଶ କଣ୍ଠଦାନ କରିଛନ୍ତି । ଅନ୍ୟମାନଙ୍କ ମଧ୍ୟରେ ପ୍ରେମସାଗର ପୋଛଦାର, ବିନ୍ଦୁ ମଲ୍ଲିକ , କନକ ଡନସେନା, ବିଶ୍ୱନାଥ ସେଠ ସମେତ ବହୁ କଳାକାର ଏଥିରେ ନିଜର ଅଭିନୟ ପାରଦର୍ଶିତା ପ୍ରଦର୍ଶନ କରିଛନ୍ତି । ଏ ଅବସରରେ ବହୁ କଳାକାର ତଥା ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।
