ବରଗଡ଼ : ଜିଲ୍ଳା ଚିତ୍ରଗୁପ୍ତ କଲ୍ୟାଣ ସମିତି ଆନୁକୂଲ୍ୟରେ ବରଗଡ଼ରେ କରଣ ସମାଜର କୁଳଦେବତା ଶ୍ରୀ ଶ୍ରୀ ଚିତ୍ରଗୁପ୍ତ ଦେବଙ୍କ ପୂଜନୋତ୍ସବ ସ୍ଥାନୀୟ ଶାରଲା ହୋଟେଲ ପରିସରରେ ଅନୁଷ୍ଠିତ ହୋଇଯାଇଛି । କୋଭିଡ ନିୟମାନୁସାରେ ଅନୁଷ୍ଠିତ ଏହି ପୂଜନୋତ୍ସବରେ ଦୁଷ୍ମନ୍ତ ପଟ୍ଟନାୟକ ସପତ୍ନୀକ କର୍ତା ଦାୟିତ୍ୱ ତୁଲାଇଥିଲେ । ସୂଚନା ଯୋଗ୍ୟ ଯେ ପ୍ରାୟ ୨୦ ବର୍ଷ ହେବ ବରଗଡ଼ରେ କରଣ ସମାଜ ଗଠିତ ହେବା ସହ ପ୍ରତିବର୍ଷ ରୀତିନୀତି ଅନୁସାରେ ଶ୍ରୀ ଶ୍ରୀ ଚିତ୍ରଗୁପ୍ତ ଦେବଙ୍କ ପୂଜନୋତ୍ସବ ଅନୁଷ୍ଠିତ ହୋଇଆସୁଛି । ଶ୍ରୀ ଶ୍ରୀ ଚିତ୍ରଗୁପ୍ତ ଦେବଙ୍କ ପୂଜନୋତ୍ସବରେ ସଭାପତି ବୀରମଣୀ ପଟ୍ଟନାୟକ , ଉପସଭାପତି ନେତ୍ରାନନ୍ଦ ବକ୍ସି, ସଂପାଦକ ଶିଶଭୂଷଣ ପଟ୍ଟନାୟକ , କୋଷାଧ୍ୟକ୍ଷ ଜ୍ଞାନରଞ୍ଜନ ପଟ୍ଟନାୟକ , ବନବିହାରୀ ପଟ୍ଟନାୟକ , ପ୍ରଦୀପ କୁମାର ମହାନ୍ତି , ହରିନାରାୟଣ ପଟ୍ଟନାୟକ , ପ୍ରମୋଦ କୁମାର ପଟ୍ଟନାୟକ ଙ୍କ ସମେତ ବହୁ ସଦସ୍ୟ ସାମିଲ ହୋଇଥିଲେ ।
