ବରଗଡ଼ : ସମ୍ବଲପୁର ବିଶ୍ୱବିଦ୍ୟାଳୟ ଅଧିନରେ ଥିବା ସମସ୍ତ କଲେଜର ବିବିଏ ଓ ବିସିଏ ପରୀକ୍ଷା ଫଳ ପ୍ରକାଶିତ ହୋଇଛି । ଏହି ପରୀକ୍ଷା ଫଳରେ କ୍ରମାଗତ ଦ୍ୱିତୀୟ ବର୍ଷ ପାଇଁ ଇମ୍ପରିୟଲ କଲେଜକୁ ଟପ୍ପର ସ୍ଥାନ ମିଳିଛି । ଏହି କଲେଜର ଛାତ୍ର କାହ୍ନାଚରଣ ପଣ୍ଡା ବିଶ୍ୱ ବିଦ୍ୟାଳୟ ର୍ୟାଙ୍ଗଙ୍କିରେ ପ୍ରଥମ ଶ୍ରେଣୀରେ ପ୍ରଥମ ସ୍ଥାନ ଅଧିକାର କରିଛନ୍ତି । ଏହାଛଡା ଏହି କଲେଜର ଛାତ୍ରୀ ଲାଡଲି ପାତ୍ର ଓ ଛାତ୍ର ସିଦ୍ଧାନ୍ତ ଅଗ୍ରୱାଲ ଯୁଗ୍ମ ଭାବରେ ବିଶ୍ୱବିଦ୍ୟାଳୟ ବେଷ୍ଟଟେନର ସପ୍ତମ ସ୍ଥାନରେ ରହିଛନ୍ତି ।
ଏହି କଲେଜର ୧୧ ଜଣ ଛାତ୍ରଛାତ୍ରୀ ମଧ୍ୟ ପ୍ରଥମ ଶ୍ରେଣୀରେ ବିବିଏରେ ଉତୀର୍ଣ୍ଣ ହୋଇଛନ୍ତି । ସେହିପରି କଲେଜର ବିସିଏ ପରୀକ୍ଷାରେ ମଧ୍ୟ ୧୬ ଜଣ ଛାତ୍ର ପ୍ରଥମ ଶ୍ରେଣୀରେ ଉତୀର୍ଣ୍ଣ ହୋଇଛନ୍ତି । ଏହି ସଫଳତା ପାଇଁ କଲେଜର ଚେୟାରମେନ ଦିପକ ଗୋୟଲ ଏବଂ ଅଧ୍ୟକ୍ଷ ଦୁର୍ଗେଶ ଶତପଥୀ ଛାତ୍ରଛାତ୍ରୀ ଓ ଅଧ୍ୟାପକ ଅଧ୍ୟାପିକାମାନଙ୍କୁ ଅଭିନନ୍ଦନ ଜ୍ଞାପନ କରିଛନ୍ତି । 